Us din jab humari bus Snowfall me kharab ho gayi thi, hum chlty chlty kafi aagy a gye they. Sadak me jam ki vjh se khadi gadiyon ki line b khatm ho re thi. Sadak k as pas logon k ghar or shops bhi nhi dikh re thi. Rasty me boht km log aa ja re thy .  Shoes me barish or kichad ki vjh se pani bhar gya tha, kpde bahr se geele ho gye they, pr tej speed me chl re they to body garam thi. Thoda agey tak chale to street lights bhi nahi thi  Bus vo nokia ka purana phone tha usi se sadak par light kr k seedhi sadak pr chal rahe they.

Ghar valon ko koi tension dene ki adat to hoti nhi hm ladkiyon me to ye bat bhi nahi batai thi, socha tha k ghar se 100 km door vo bhi kya kar sktey hain. Bohot der ho gayi thi , hame chalty chalty hi ek se dedh ghanta ho gya tha, to bhai ne khud hi phone kia , usey upar upar se bat batai. To usne apne kisi dost ke relative ka number diya ,jinka ghar us area key as-pas tha.

Uncle se phone par bat kari to pta chala unka ghar jhan se hamne almost chalna start kia tha vahin par tha. Vapis mudne k alawa koi dusra option nahi tha. To hum vapis mud ke or b tez bhagne lgey, sadak me fislan ho gyi thi to ek do do bar gire bhi niche. Par jaldi hi hm vapis phunch gaye. Mujhe aj bhi yad hai us jagah ka nam tha Hiranagar.

Uncle sadak main hi aa gaye they hame lene. Fir vo hame apne piche sadak se undar ki taraf le gaye jahan logon k or bhi ghar they.  Uncle ne apne ghar k pas roka . Unka ghar 6-8 feet tak ki height ka pakka cemented chatt(roof) vala makan tha, vaise Shimla me Tin Sheds banaye jatey hain taki padti hui burf ko kat sake.  Uncle ne ghar ka darwaja khola, to andar ek dum andhera tha. Uncle bole;  mousm kharab hai na to sham se light gayi h ab subah tak to nahi ayegi. Andar valey kamre me kuch roshani dikh rahi thi . Pehle to lga uncle akele hi hain par jab humey andar vale kamrey men le kar gaye to aunty kisi se phone par gusse se bat kar rahi thi.  Hum chup chap vahan lagey chotey bed par baith gaye. Do teen Candles jala rakhi thi vahan. Or floor par jagah jagah chotey chotey bartan rakhe they jinper chat se pani tapak raha tha. Unkey ghar par ek choti breed ki dog bhi thi jiska namw Lizza tha . Maine lizza key pas ja kr us’se bat krni chahi pr usne mujhe bhav nahi diya. Vo sb odd nhi lag raha tha. Pr anti jis tarah se phone par bat kar rahi thi lag raha tha k khin hamare ane se inko koi preshani to nhi.

Uncle ek lalten ko utha k usko dekhne lge, anti phone rakh k bolti is laltene ko rehne do maine kabadi vale ko dena h ise. Hum chup chap vahin baithey they , anti hume dekh ke boli doodh ki supply to nhi ayi hai aj par ap logo k liye garam pani kar deti hu gas par peene ko. Anti ko fir se phone aya; vo bol re thi; “Arey  burf me gire huye ki chot bahar se nhi dikhti, rasn pani to la hi rhe h use hospital b to le ja skty h .”   Unki in baton se pta cha gya k vo kyun preshan thi. 

Rat ko anti ne haume khane me matar paneer ki sabji khilai, pair dhone ko garam pani diya. Fir bahr vale kamre me lge bade bister par hume sone k liye garam razai de di. Lizza jump kr k humare bed pr chadh gayi. Anti ne use bhi razai odha di . Bola k ..Ye humare sath isi bed par soti hai to chup chap soi rahegi side me . Mai khus thi k lizza at least humare sath to soi h . Anti ne hume garam pani ki bottel  bhi de di or khud . Ek or kamra tha piche ko vahan sone chale gaye. Us raat need to aise ayi k jaise soye they vaise hi soye reh gaye subah tak.

Subh tak anti ka mood bhi theek ho gaya tha. Dekhne me vo ak good looking lady thi. Unki personality se lag raha tha mano kisi school ki principal ho. Pr baton baton me anti ne btaya k mai 5 class se agey nhi pdi hun par mujhe sb yhan teacher hi samjhte hai. Fir Unhone hame bahar ka nazara dikhaya to kya raste , kya logon k ghar k chatt , darvajey,  khidkiyan , ped …..hr ek dikhne vali cheez burf se dakhi thi, Kisi ne apne ghar k angan me snow man bhi bnanya tha. Or sabse badi bat dhoop bhi ayi hui thi. 

hum 9 bje tak hath muh dho k nashta kar k ready they jane ko, anti ne hume aise vida kiya jaise hum unky bohot close relative hon or ak chit bhi di apna number likh k, ki is par phone krna mujhe. Fir Uncle hume gaun k local rastey se le jatey hue door vahan k bus-stand tak le gaye. 

Rasty me 2-3 feet burf thi, mitti ki jagah burf me chalne ka pehla experience tha. Rasta bohot chota tha  ,or kinarey badi badi burf se bhri hui khaiyaan thi . khili hui dhoop me vo nzara kafi sundar lag ra tha, uncle ne humen burf se khelna bhi sikhaya.

Ghar jatey huye bus me bas yahi soch re thi k ,Ak hi din me snowfall ko vo magic vala experience b le lia or ye b pta chal gaya  k yahan permanent rahne vale logon ki life kitni tough h. 

Is bat ko kareeb 10 sal se jyada to ho hi gaye hain. Anti ki de hui chit par kbhi phone to nhi kia na hi vo chit hai mere paas. Ghar se Shimla jaati hun kyin bar par kbhi ruki nhi Hiranagar. Par dil me Uncle anti ki yad or unky liye respect abhi bhi hai.